Posted by: absolutevoid | ജനുവരി 19, 2009

മൈക്രോസോഫ്റ്റ്‌ ടാഗ്‌: പുതിയ 2ഡി ബാർകോഡ്‌

 

മൈക്രോസോഫ്റ്റിന്‌ സ്വന്തമായി ബാർകോഡ്‌ ടെക്നോളജി കൂടി ഇല്ലെങ്കിൽ മോശമല്ലേ? ഈ ആലോചനയാണ്‌ കൺസ്യൂമർ ഇലക്ട്രോണിക്‌ ഷോയിൽ മൈക്രോസോഫ്റ്റ്‌ ടാഗ്‌ ബീറ്റ വേർഷൻ അനൗൺസ്‌ ചെയ്യാൻ പ്രേരകം. ക്യൂആർ കോഡ്‌ തുടങ്ങിയ പ്രബലമായ ഇതര ദ്വിമാന ബാർകോഡ്‌ സാങ്കേതികവിദ്യകളെ പോലെ മൈക്രോസോഫ്റ്റ്‌ ടാഗും ഗ്രാഫിക്കൽ ബിറ്റ്മാപ്‌ ആയി ഡേറ്റ സൂക്ഷിക്കാൻ അനുവദിക്കുന്നു. വിവിധ രൂപങ്ങളും നിറങ്ങളുമാണ്‌ ഇതിനുപയോഗിക്കുന്നത്‌, ചെറിയ വ്യത്യാസത്തോടെ. 

mstagcompare

 

 

 

QR Codeന്റെ തനിപ്പകര്‍പ്പാണു് മൈക്രോസോഫ്റ്റ് ടാഗ് എന്നു് കരുതിയെങ്കില്‍ തെറ്റി.  അങ്ങനെ ആലോചിക്കുന്നതിന്‌ പോലും നാണം വേണം. മൈക്രോസോഫ്റ്റിലെ ഗവേഷണവിഭാഗം വികസിപ്പിച്ച ഹൈ കപ്പാസിറ്റി കളർ ബാർകോഡ്സ്‌ (HCCBs) എന്ന പുത്തൻപുതിയ സാങ്കേതികവിദ്യയിൽ അധിഷ്ഠിതമാണ്‌ മൈക്രോസോഫ്റ്റ്‌ ടാഗ്‌. ചതുര പിക്സലുകൾക്ക്‌ പകരം ത്രികോണാകൃതികളും നിറങ്ങളും ഉപയോഗിച്ച്‌  വിവരം സംഭരിക്കുന്നു എന്നതിലാണ്‌ വ്യത്യാസം. 

മറ്റ്‌ ടാഗ്‌ ടെക്നോളജികളിൽ നിന്ന്‌ വിഭിന്നമായി മൈക്രോസോഫ്റ്റ്‌ ടാഗുകൾ യഥാർത്ഥത്തിൽ വിവരം സൂക്ഷിക്കുന്നില്ല. പകരം അവയാകെ ചെയ്യുന്നത്‌ യുണീക്ക്‌ ആയ ഒരു ഐഡി സൂക്ഷിക്കുകയാണ്‌. അത്‌ പിന്നീട്‌ മൈക്രോസോഫ്റ്റ്‌ സർവറുകളിലേക്ക്‌ അയയ്ക്കും. ഇങ്ങനെ ചെയ്യുന്നതിലൂടെ വളരെ അധികം വിവരങ്ങൾ, വിവിധ തരം വിവരങ്ങൾ രേഖപ്പെടുത്താനാവും. അതായത്‌ ടാഗിൽ നേരിട്ട്‌ വിവരം രേഖപ്പെടുത്തുന്നതിന്‌ പകരം സർവറിൽ വിവരം രേഖപ്പെടുത്തുകയും ടാഗിൽ നിന്ന്‌ സർവറിലെ എൻട്രിയിലേക്ക്‌ ഒരു യുണീക്ക്‌ ഐഡി വഴി ലിങ്ക്‌ ചെയ്യുകയുമാണ്‌ രീതി. എന്നാൽ ഇതിന്‌ ഒരു സൈഡ്‌ ഇഫക്ടുമുണ്ട്‌ : എത്ര തവണ ഈ വിവരങ്ങൾ ആക്സസ്‌ ചെയ്തിട്ടുണ്ട്‌ എന്ന റിപ്പോർട്ട്‌ പ്രസാധകന്‌ ശേഖരിക്കാൻ കഴിയും. 

ഈ ടാഗുകൾ വായിക്കാൻ മൈക്രോസോഫ്റ്റ്‌ വിവിധ മൊബൈൽ പ്ലാറ്റ്ഫോമുകളിലേക്ക്‌ ഡൗൺലോഡ്‌ ചെയ്യാവുന്ന വെവ്വേറെ പ്രവർത്തകങ്ങൾ ലഭ്യമാക്കുന്നുമുണ്ട്‌. വിൻഡോസ്‌ മൊബൈൽ, J2ME, ഐഫോൺ, ബ്ലാക്ക്ബെറി, സിംബിയൻ എസ്‌60 ഫോണുകളിൽ ഈ ആപ്ലിക്കേഷനുകൾ റൺ ചെയ്യാം. ഒരു ക്യാമറയും ഇന്റർനെറ്റ്‌ കണക്ഷനും ആവശ്യമാണെന്ന്‌ മാത്രം. ആപ്ലിക്കേഷൻ ലഭിക്കാനായി ഫോണിന്റെ ബ്രൌസറില്‍ http://gettag.mobi എന്ന യുആര്‍എല്‍ രേഖപ്പെടുത്തുക. 

സാമാന്യം നല്ല അകലത്തിൽ നിന്നും സൈഡ്‌ ആങ്കിളിൽ നിന്നും അൽപ്പം മറഞ്ഞിരിക്കയാണെങ്കിൽ പോലും മൈക്രോസോഫ്റ്റ്‌ ടാഗുകൾ റീഡ്‌ ചെയ്യാനാവും എന്നതാണ്‌ ഇതര ദ്വിമാന ബാർകോഡുകളെ അപേക്ഷിച്ച്‌ ഈ വിദ്യയുടെ ഒരു മെച്ചം. ഡവലപ്പർ ടൂൾസ്‌ ലഭ്യമല്ലാത്ത മൈക്രോസോഫ്റ്റ്‌ പ്ലാറ്റ്ഫോം ആയി ഇത്‌ മാറുകയില്ലെന്നുമാണ്‌ അറിയുന്നത്‌. അതുകൊണ്ടാവാം, കഴിഞ്ഞ ദിവസം മുതൽ “ടാഗ്‌ മേക്കർ” സേവനം ലഭ്യമാണ്‌. അതുപയോഗിച്ച്‌ ആർക്കും സ്വന്തമായി ടാഗുകൾ ഉണ്ടാക്കാം. നിലവിൽ ഇത്‌ സൗജന്യസേവനമാണെങ്കിലും ബീറ്റയിൽ നിന്ന്‌ പുറത്തുവന്നാൽ ഇതാകും മിക്കവാറും മൈക്രോസോഫ്റ്റ്‌ ഇനി പണമുണ്ടാക്കാൻ പോകുന്ന സാങ്കേതികവിദ്യ.

Advertisements

ഒരു മറുപടി കൊടുക്കുക

Fill in your details below or click an icon to log in:

WordPress.com Logo

You are commenting using your WordPress.com account. Log Out / മാറ്റുക )

Twitter picture

You are commenting using your Twitter account. Log Out / മാറ്റുക )

Facebook photo

You are commenting using your Facebook account. Log Out / മാറ്റുക )

Google+ photo

You are commenting using your Google+ account. Log Out / മാറ്റുക )

വിഭാഗങ്ങള്‍

%d bloggers like this: