നോര്‍മല്‍​ ലെവലിലും ഷിഫ്റ്റിലും റാല്‍മിനോവിന്റെ ലേഔട്ട് അതേപടി പിന്തുടരുന്നു. ലേഔട്ട് ഇമേജില്‍ ള്, ക്, ര്, ല്, ണ്, ന് എന്നൊക്കെ കാണുന്നതു് പഴയമട്ടിലുള്ള ചില്ലാണു്. മൈക്രോസോഫ്റ്റ്‌ ലേഔട്ട് ക്രിയേറ്ററില്‍ അതു് ശരിയായി റെന്‍ഡര്‍ ചെയ്യാത്തതുകൊണ്ടാണു് അതങ്ങനെ തോന്നുന്നതു്. പക്ഷെ ചില്ലടിക്കാന്‍ ആ കട്ടകള്‍ ഞെക്കിയാല്‍ മതിയാവും. VK_OEM_6ല്‍ (square bracket close) റാല്‍മിനോവു് ചെയ്തതുപോലെ നോര്‍മല്‍ ലെവലില്‍ ഞ്ഞ ആണു് കൊടുത്തിരിക്കുന്നതു്. വാനില ഇന്‍സ്ക്രിപ്റ്റില്‍ ഇവിടെ ഞ ആണു് വരുന്നതു്. പകരം ഷിഫ്റ്റിലാണു് ഇതില്‍ ഞ കൊടുത്തിട്ടുള്ളതു്. അതേ പോലെ നോര്‍മല്‍ ലെവലില്‍ VK_Q എന്ന സ്ഥാനത്തു് ഔ സ്വരചിഹ്നം അടിച്ചാല്‍ ൌ (U+0d4c) എന്നും വലത്തെ ആള്‍ട്ട് ചേര്‍ത്തടിച്ചാല്‍ ൗ (U+0d57) എന്നും ലഭിക്കും.

Alt-GR + Shift (വലതുവശത്തെ ആള്‍ട്ടും ഷിഫ്റ്റും) ഉപയോഗിക്കുന്ന ലെവലില്‍ താഴെപ്പറയുന്ന അഡീഷന്‍സ് വരുത്തിയിട്ടുണ്ടു്.

1. VK_4ല്‍ (ഡോളര്‍ സൈനിന്റെ സ്ഥാനത്തു്) പുതിയ രൂപ ചിഹ്നം ഉപയോഗിക്കുന്നു. (രൂപ ചിഹ്നം അടങ്ങിയ ഫോണ്ടു് സിസ്റ്റത്തിലില്ലാത്തതിനാല്‍ ലേഔട്ട് ഇമേജില്‍​കാണില്ല).

2. VK_5ല്‍ (% ന്റെ സ്ഥാനത്തു്) കൢപ്തം എന്നെഴുതുന്ന ഌ താഴെ വരുന്ന രൂപവും (U+0d62) VK_6ല്‍ (^ ന്റെ സ്ഥാനത്തു്) അതിന്റെ തന്നെ ദീര്‍ഘവും (U+0d63) (കൣ clue… എന്നെല്ലാമെഴുതാം) ഉപയോഗിച്ചിരിക്കുന്നു. നിലവിലുള്ള മീരയില്‍​ ഇവ സ്റ്റാക്ക്ഡ് ഫോമില്‍ കിട്ടില്ല. അഞ്ജലിയിലുണ്ടു്.

3. VK_7ല്‍ U+0d4e എന്ന ക്യാരക്ടര്‍ (രേഫം) ഉപയോഗിച്ചിരിക്കുന്നു. (സൂൎയ്യന്‍ എന്നെല്ലാമെഴുതാം – നിലവില്‍​ ഒരു ഫോണ്ടിലുമില്ല)

4. VK_0ല്‍ പ്രശ്ലേഷം ഽ (U+0d3d) സ്ഥാനം പിടിച്ചിരിക്കുന്നു. അഞ്ജലിയില്‍​മലയാളം ടയുടെയോ ഇംഗ്ലീഷ് S ന്റെയോ ആകൃതിയിലാണു് അവഗ്രാഹം വരച്ചിരിക്കുന്നതു്. മീരയിലെ ഗ്ലിഫ് ആണു് ചിരപരിചിതം.

5. VK_OEM_minus ല്‍ മലയാളം തീയതി കാട്ടാനുപയോഗിക്കുന്ന ൹ എന്ന ക്യാരക്ടര്‍ (U+0d79) നല്‍കിയിട്ടുണ്ടു്. മീരയില്‍​ ഇതിനിയും എത്തിയിട്ടില്ല. അഞ്ജലിയിലുണ്ടു്.

6. VK_OEM_PLUS ല്‍ ഋവിന്റെ ഇരട്ടിപ്പു് ൠ (U+0d60) കൊടുത്തിരിക്കുന്നു.

7. റാല്‍മിനോവിന്റെ ലേഔട്ടില്‍​ ത്സ രണ്ടിടത്തു വരുന്നുണ്ടായിരുന്നു. അതില്‍​ VK_T എന്ന കീയില്‍ ത്ന എന്ന കൂട്ടക്ഷരമാക്കിയിട്ടുണ്ടു്.

അഞ്ചാമതായി ഒരു ലെവല്‍ കൂടി ചേര്‍ത്തിട്ടുണ്ടു്. Ctrl+Shift ആണതു്. അത്യാവശ്യത്തിനുപയോഗിക്കാം എന്നുമാത്രം. ഈ ലെവലില്‍ വരുന്ന ക്യാരക്ടറുകള്‍ താഴെപ്പറയുന്നു.

1, 2, 3 എന്നിവയുടെ സ്ഥാനത്തു് യഥാക്രമം ൰, ൱, ൲ എന്നിവ (10, 100, 1000 എന്നിവയുടെ മലയാള അക്കങ്ങള്‍ ) വരുന്നു. 4, 5, 6 എന്നിവയുടെ സ്ഥാനത്തു് യഥാക്രമം ൳, ൴, ൵ (1/4, 1/2, 3/4 എന്നീ ഫ്രാക്ഷനുകളുടെ മലയാളരൂപം) വരുന്നു.

VK_8 ന്റെ സ്ഥാനത്തു് ളയുടെ ആണവച്ചില്ലു് ൾ കടന്നുവരുന്നു.

VK_OEM_Plusന്റെ സ്ഥാനത്തു് ൄ (MALAYALAM VOWEL SIGN VOCALIC RR – U+0d44) വരുന്നു. ൃന്റെ ഇരട്ടിപ്പു്, അഥവാ ൠ സ്വരത്തിന്റെ ചിഹ്നം ആണു് ഈ ക്യാരക്ടര്‍ . ഉപയോഗത്തില്‍​ തീരെയില്ല.

VK_OEM_5ല്‍ (\ ന്റെ സ്ഥാനം) രയുടെ ആണവച്ചില്ലു് ർ സ്ഥാനംപിടിക്കുന്നു.

VK_Jയുടെ സ്ഥാനത്തു് റ്റയുടെ പകുതി എന്നുപറഞ്ഞു് ഈയിടയ്ക്കു് ഇടിച്ചുകയറ്റിയ ഗ്രന്ഥലിപിയിലെ (മലയാളത്തിലില്ലാത്ത) ക്യാരക്ടര്‍ (U+0d3a) കൊടുത്തിരിക്കുന്നു.

VK_Xന്റെ സ്ഥാനത്തു് ണയുടെ ആണവച്ചില്ലു് ൺ കടന്നുവരുന്നു. VK_Vയുടെ സ്ഥാനത്തു് നയുടെ ആണവചില്ലു് ൻ, VK_OEM_Period ന്റെ സ്ഥാനത്തു് (കുത്തുകിടക്കുന്നിടത്തു്) ലയുടെ ആണവച്ചില്ലു് ൽ, VK_OEM_2ന്റെ സ്ഥാനത്തു് (/ കിടക്കുന്നിടത്തു്) കയുടെ ആണവച്ചില്ലു് ൿ എന്നിവ വരുന്നു.

VK_Nന്റെ സ്ഥാനത്തു് നനയുക എന്നതില്‍​ രണ്ടാമത്തെ നയ്ക്കു് വ്യത്യാസമുണ്ടാക്കാനായി ഇടിച്ചുകയറ്റിയ ഗ്രന്ഥലിപിയിലെ ഩ (U+0d29) വരുന്നു. നിലവില്‍​ ഒരു ഫോണ്ടിലും ഇതില്ല.

ബാക്കിയെല്ലാം പഴയതുപോലെ തന്നെ. വാനില ഇന്‍സ്ക്രിപ്റ്റ് കീബോര്‍ഡിനെ അപേക്ഷിച്ചു് ഇതിനുള്ള മെച്ചം, കൂട്ടക്ഷരങ്ങളും ചില്ലക്ഷരങ്ങളും ഒറ്റ കീസ്ട്രോക്കില്‍ ലഭിക്കും എന്നതാണു്.

ഉദാഹരണത്തിനു് AltGR + k അടിച്ചാല്‍ ക്ക കിട്ടും. ക ് ക അടിച്ചാലും ക്ക കിട്ടും.

റാല്‍മിനോവിന്റെ പരീക്ഷണം ഇവിടെ – http://ralminov.wordpress.com/2007/10/11/inscript_keyboard_extended/

പരീക്ഷിച്ചിട്ടു് വിവരം അറിയിക്കുക.

(NB: ഞാനിതു് ഉപയോഗിക്കാന്‍ പോകുന്നില്ല. ആര്‍ച്ച് ലിനക്സോ ചക്ര ലിനക്സോ മാത്രമാണു് എന്റെ ഉപയോഗത്തിലുണ്ടാവുക. വല്ലപ്പോഴും ഇതുപോലെ ആരുടെയെങ്കിലും സിസ്റ്റത്തില്‍​ കയറുമ്പോള്‍​ ഉപയോഗിക്കാന്‍ ഒപ്പിച്ചതാണിതു്. എറര്‍ ചെക്കിങ് നടത്തിയിട്ടില്ല. കോപ്പിറൈറ്റ് എസ്എംസിക്കു് നല്‍കിയിരിക്കുന്നു)

PS: ​ ഫയലുകള്‍ ഗൂഗിള്‍​ ഡോക്സില്‍​ കയറ്റിയിടുന്നു. ലിങ്കു്

https://docs.google.com/leaf?id=0Bx1YfkkHtD3NZTc0MTk5MGItYTJkYy00OGMzLWE3YTAtMDA0MWM2NDkwMDIz&hl=en_US

https://docs.google.com/viewer?a=v&pid=explorer&chrome=true&srcid=0Bx1YfkkHtD3NOTllNGI3OGQtYjYzMS00ZGE0LTgxOGMtNTI5N2QwNzExOWUz&hl=en_US

https://docs.google.com/viewer?a=v&pid=explorer&chrome=true&srcid=0Bx1YfkkHtD3NZmM5MDNmMTUtOGQ4OS00ODQxLWIzYzktOGU2MmVmOGE3NzNi&hl=en_US

കാര്യത്തിലേക്കു് കടക്കാം. രാവിലെ എഴുന്നേറ്റപ്പോള്‍ ഒരു ഭൂതോദയം. എന്റെ ചക്ര ഗ്നൂ‌/ലിനക്സ് മെഷീനില്‍ ഇംഗ്ലീഷ് മലയാളം ഡിക്ഷണറിയില്ലല്ലോ. എങ്കില്‍ ഇന്‍സ്റ്റോള്‍ ചെയ്തേക്കാം എന്നുനിനച്ചു. പത്തായത്തില്‍ തെരഞ്ഞപ്പോള്‍ പൊതിയില്ല. ആര്‍ച്ച് ലിനക്സിനുവേണ്ടി ആഷിക്‍ പായ്ക്ക് ചെയ്തിട്ടുണ്ടെന്നറിയാം. ആര്‍ച്ച് ഉപയോക്താക്കളുടെ പത്തായത്തില്‍ (Arch User Repository – AUR) ഉള്ള പൊതികള്‍ ചക്രയിലും ഇന്‍സ്റ്റോള്‍ ചെയ്യാം. അതിനൊരു വഴിയുണ്ടു്. ഏതാനും പണിയുപകരണങ്ങള്‍ സ്ഥാപിക്കണം. base-devel, packer എന്നീ ഉപകരണങ്ങളാണു് പ്രധാനം. base-devel ഒറ്റ പാക്കേജല്ല. ഒരു കൂട്ടം പ്രോഗ്രാമുകളാണു്. അതൊക്കെ നേരത്തെ തന്നെ ഇന്‍സ്റ്റോള്‍ ചെയ്തിട്ടുമുണ്ടു്.

അറിയാന്‍ താത്പര്യമുള്ളവര്‍ക്കായി, അവ ഇന്‍സ്റ്റോള്‍ ചെയ്യുന്നതിങ്ങനെ:

$ sudo pacman -S base-devel packer

മലയാളികള്‍ക്കു് മലയാളം ഫോണ്ടും വേണമല്ലോ. ഫോണ്ട് നിലവില്‍ ചക്രയുടെ ടെസ്റ്റിങ് റെപ്പോയിലാണുള്ളതു്. ഒന്നുകില്‍ അതു് ബ്രൌസര്‍ ഉപയോഗിച്ചോ കമാന്‍ഡ് ലൈനിലാണെങ്കില്‍ wget ഉപയോഗിച്ചോ ഡൌണ്‍ലോഡ് ചെയ്യണം. എന്നിട്ടു് sudo pacman -U ttf-malayalam-fonts എന്ന ആര്‍ഗ്യുമെന്റ് ഉപയോഗിച്ചു് ഇന്‍സ്റ്റാള്‍ ചെയ്യണം.

കുറച്ചുകൂടി ധൈര്യമുണ്ടെങ്കില്‍ വേറൊരു വഴിയുണ്ടു്. ടെസ്റ്റിങ് റെപ്പോ താത്ക്കാലികമായി എനേബിള്‍ ചെയ്യുക വഴിയാണതു്. ഒരിക്കല്‍ ആര്‍ച്ച് ഉപയോഗിച്ചവര്‍ക്കു് ഇതു് വളരെ എളുപ്പമാണു്. എല്ലാ കോണ്‍ഫിഗറേഷന്‍ ഫയലുകളും /etc എന്ന ഡയറക്ടറിക്കുള്ളിലാവും ഉണ്ടാവുക. നമുക്കു് എഡിറ്റ് ചെയ്യേണ്ടതു് പാക്‍മാന്റെ കോണ്‍ഫിഗറേഷന്‍ ആണു്. കമാന്‍ഡ് ലൈനില്‍ നിന്നുകൊണ്ടു് മൂന്നുവിധത്തില്‍ ഇതു ചെയ്യാം. ചക്രയുടെ ഡീഫോള്‍ട്ട് കമാന്‍ഡ് ലൈന്‍ എഡിറ്റര്‍ vi ആണു്. ഇതാണു് ഉപയോഗിക്കുന്നതെങ്കില്‍ sudo vi /etc/pacman.conf എന്നുകൊടുക്കുക. vi editorല്‍ നിന്നു്

# [testing]
# Include = /etc/pacman.d/mirrorlist

എന്ന വരിയിലെത്തി, അതിലെ # ഡിലീറ്റ് ചെയ്തു് ആ വരികള്‍ അണ്‍കമന്റ് ചെയ്യുക. ഓര്‍ക്കുക, vi ല്‍ ഇന്‍സേര്‍ട്ട് മോഡില്‍ പോകാന്‍ i അമര്‍ത്തണം. അതിനു ശേഷം മാത്രമേ എന്തെങ്കിലും ടൈപ്പ് ചെയ്യാന്‍ സാധിക്കൂ. തിരികെ കമാന്‍ഡ് മോഡിലേക്കു പോകാന്‍ esc അമര്‍ത്തണം. വെറുതെ quit ചെയ്യാന്‍ :q അമര്‍ത്തിയാല്‍ മതി. പക്ഷെ നമ്മള്‍ വരുത്തിയ മാറ്റം സൂക്ഷിച്ചുവയ്ക്കണമെങ്കില്‍ :wq അമര്‍ത്തണം.

vi ശീലമില്ലെങ്കില്‍ ഇതു് അല്‍പ്പം പ്രയാസമായി തോന്നാം. അങ്ങനെയുള്ളവര്‍ക്കു് nano ഉപയോഗിക്കും. ഏതാണ്ടു് എല്ലാ ഗ്നൂ ലിനക്സ് വിതരണങ്ങളിലും ലഭ്യമായ കണ്‍സോള്‍ ടെക്സ്റ്റ് എഡിറ്റര്‍ ആണു് nano.

sudo nano /etc/pacman.conf

എന്നുകൊടുത്തു് സുഖമായി മുമ്പു പറഞ്ഞ ലൈനില്‍ ചെന്നു് # ഡിലീറ്റ് ചെയ്തു്, ctrl+x അടിച്ചു് quit ചെയ്യാം. അപ്പോള്‍ സേവ് ചെയ്യണോ എന്നു ചോദിക്കും. y കൊടുത്താല്‍ സേവ് ചെയ്യും.

മൂന്നാമത്തെ വഴി, GUI frontend ഉപയോഗിക്കുക എന്നതാണു്. കണ്‍സോളില്‍ നിന്നോ കെറണ്ണറില്‍ നിന്നോ (alt+f2 അമര്‍ത്തുമ്പോള്‍ വരുന്ന കമാന്‍ഡ് പ്രോംപ്റ്റ് ആണു് കെ റണ്ണര്‍)

 kdesu kate /etc/pacman.conf

കൊടുത്താല്‍ കോണ്‍ഫിഗറേഷന്‍ ഫയല്‍ kate എന്ന K advanced text editorല്‍ തുറന്നുവരും. (kwallet അഡ്മിനിസ്ട്രേറ്റര്‍ പാസ്‌വേഡിനു ചോദിക്കും.) അവിടെ എഡിറ്റ് ചെയ്യാന്‍ വളരെ എളുപ്പമാണു്. ഫയല്‍ മെനുവില്‍ സേവ് ഓപ്ഷന്‍ അടക്കം ധാരാളം ഓപ്ഷന്‍സ് ഉണ്ടു്.

ടെസ്റ്റിങ് റെപ്പോ എനേബിള്‍ ചെയ്താല്‍ ചക്രയുട സര്‍വറുകളുമായി sync ചെയ്യേണ്ടതുണ്ടു്. തത്ക്കാലം നമുക്കു് ടെസ്റ്റിങ്ങില്‍ നിന്നു് മറ്റു പാക്കേജുകളൊന്നും ഇന്‍സ്റ്റോള്‍ ചെയ്യേണ്ടതില്ല. അതുകൊണ്ടു് ഒറ്റയടിക്കു് sync ചെയ്തു് അപ്ഡേറ്റുകളുണ്ടെങ്കില്‍ അവ ഇന്‍സ്റ്റോള്‍ ചെയ്യാനുമുള്ള ആര്‍ഗ്യുമെന്റ് ആയ sudo pacman -Syu കൊടുക്കുന്നതു് അബദ്ധമാണു്. പകരം നല്‍കേണ്ടതു് sudo pacman -Syy ആണു്. അതു് പെട്ടെന്നു തീരും. സിങ്ക് ചെയ്തു കഴിഞ്ഞാല്‍ sudo pacman -S ttf-malayalam-fonts എന്നുകൊടുത്തു് മലയാളം ഫോണ്ടുകള്‍ ഇന്‍സ്റ്റോള്‍ ചെയ്യാം. അതിനു ശേഷം ടെസ്റ്റിങ് റെപ്പോ വേണ്ടെങ്കില്‍ നേരത്തെ പോയ വഴിയേ പോയി ആ രണ്ടുവരികള്‍ക്കു മുമ്പിലും വീണ്ടും # ചേര്‍ക്കാം.

ഇതൊന്നും കേട്ടു് പേടിക്കേണ്ട കാര്യമില്ല. ഒരിക്കല്‍ ചെയ്തു നോക്കിയാല്‍ വളരെ എളുപ്പമാണെന്നു് മനസ്സിലാവും.

തത്ക്കാലത്തേക്ക് പാക്‍മാന്‍ തന്നെയാണു് ചക്രയുടെ പാക്കേജ് മാനേജര്‍. ആര്‍ച്ചില്‍ നിന്നു് പകര്‍ന്നുകിട്ടിയതാണതു്. എന്നാല്‍ akabei എന്ന പുതിയ പാക്കേജ് മാനേജര്‍ പണിപ്പുരയിലാണു്. അതില്‍ പാക്ക്മാന്റെ എല്ലാ സൌകര്യങ്ങളുമുണ്ടാവും. പുറമേ പാക്ക്മാനില്ലാത്ത കുറേ സൌകര്യങ്ങളും കാണും. ആര്‍ച്ച് പാക്കേജ് മാനേജ്മെന്റിന്റെ ഏറ്റവും വലിയ സൌകര്യം ടാര്‍ബോള്‍ ആയാണു് പാക്കേജുകള്‍ ലഭ്യമാവുന്നതു് എന്നതാണു്.

പായ്ക്കര്‍ ഇല്ലാതെ aur package സ്ഥാപിക്കാനാവില്ല. അതു് ഇന്‍സ്റ്റോള്‍ ചെയ്യുന്നതെങ്ങനെയെന്നു് മുകളില്‍ പറഞ്ഞുകഴിഞ്ഞു. എന്റെ സിസ്റ്റത്തില്‍ അതു് നേരത്തെ തന്നെയുണ്ടായിരുന്നു. അടുത്ത പടി, ഡിക്ഷണറി സ്ഥാപിക്കുക എന്നതാണു്. അതിനു ഞാന്‍

$ packer -S dict-freedict-eng-mal

എന്നുകൊടുത്തു. ഇന്‍സ്റ്റോള്‍ ആവുന്നില്ല. ഡിപ്പന്‍ഡന്‍സി പ്രശ്നം. ഒന്നാമതു്, dictd സ്ഥാപിക്കണം. പിന്നെ മര്യാദയ്ക്കൊരു GUI വേണമെങ്കില്‍ ഏതെങ്കിലും ഡിക്ഷണറി ക്ലയന്റ് വേണം. ഇതൊന്നും പുതിയ ഡിസ്ട്രോയായ ചക്രയുടെ പത്തായത്തിലില്ല.

dikt KDEയ്ക്കു് വേണ്ടിയുള്ള മെച്ചപ്പെട്ട ഡിക്ഷണറി ക്ലയന്റ് ആണു്. അതു് AURലുണ്ടു്. CCRലില്ല. ഇംഗ്ലീഷ് – ഇംഗ്ലീഷ് ഡിക്ഷണറിയ്ക്കായി ഞാനതു് നേരത്തെ ഇന്‍സ്റ്റോള്‍ ചെയ്തിട്ടുണ്ടു്. ഏതായാലും ആര്‍ച്ച് യൂസര്‍ റെപ്പോസിറ്ററിയിലുള്ള പാക്കേജിനെ ചക്ര കമ്മ്യൂണിറ്റി റെപ്പോസിറ്ററിയിലേക്കു് ചേര്‍ക്കാന്‍ ഏറെക്കുറെ എളുപ്പമാണു്. റീപ്പാക്കേജിങ്ങിനു് വലിയ പണിയില്ല. അതങ്ങു് ചെയ്തേക്കാമെന്നു് വച്ചു. ഇക്കാര്യത്തില്‍ ആകെ ശ്രദ്ധിക്കാനുള്ളതു് ഈ പാക്കേജിന്റെ ഡിപ്പന്‍ഡന്‍സി ആയി വരുന്ന മറ്റു പാക്കേജുകള്‍ ഏതെങ്കിലും ചക്രയുടെ ഔദ്യോഗിക റെപ്പോസിറ്ററികളില്‍ ഏതിലെങ്കിലുമോ അതല്ലെങ്കില്‍ ccrല്‍ തന്നെയോ ഉണ്ടോ എന്നു് തെരഞ്ഞു് ഉറപ്പുവരുത്തണം എന്നതാണു്. ഇല്ലെങ്കില്‍ അവകൂടി ഇതേ പോലെ ccrലേക്കു് ചേര്‍ക്കണം. ഭാഗ്യത്തിനു് Diktനു് dependency പ്രശ്നങ്ങളൊന്നുമില്ല. അവനെ പായ്ക്ക് ചെയ്തു് സോഴ്സ് പാക്കേജ് CCRല്‍ ചേര്‍ത്തു. ഇനിയിപ്പോള്‍ ccr dikt എന്നു മാത്രം നല്‍കിയാല്‍ തന്നെയും (-S argument ഇല്ലാതെ തന്നെ) അതു് ഇന്‍സ്റ്റോള്‍ ചെയ്യാനാവും. അതല്ലെങ്കില്‍ ചക്രയിലെ പാക്‍മാന്‍ gui frontend ആയ Appset-Qtയില്‍ പോയി ഇതു് തെരഞ്ഞെടുത്തു് കൊടുത്താലും മതി. ഉബുണ്ടുവിന്റെ സോഫ്റ്റ്‌വെയര്‍ സെന്റര്‍ പോലെ ഒരു സംവിധാനമാണിതു്.

ക്ലയന്റ് ഉള്ളതുകൊണ്ടുമാത്രം കാര്യമായില്ല. എസ്എംസിയുടെ ഇംഗ്ലീഷ് – മലയാളം ഫ്രീഡിക്ട് ഡിക്ഷണറി ഓടണമെങ്കില്‍ dictd daemon ഓടണം. അതിനു് dictd ഇന്‍സ്റ്റോള്‍ ചെയ്യണം. ഒരു രക്ഷയുമില്ല. dictdയുടെ ഡിപ്പന്‍ഡന്‍സികളില്‍ ഒന്നായ libmaa ചക്രയിലില്ല. ആര്‍ച്ചിലാവട്ടെ, അതും dictd തന്നെയും ഒഫീഷ്യല്‍ പാക്കേജുകളാണു്. Aur പാക്കേജ് എടുത്തു് CCRലിടുന്നത്രയും ലളിതമല്ല, ഒഫീഷ്യല്‍ റെപ്പോസിറ്ററിയില്‍ നിന്നു് ഒരു പാക്കേജു് ഇവിടെ എടുക്കുന്നതു്. അതല്ലെങ്കില്‍ ആവശ്യമായ പാക്കേജുകളും ഡിപ്പന്‍ഡന്‍സികളും പ്രത്യേകം ഡൌണ്‍ലോഡ് ചെയ്ത ശേഷം നേരത്തെ സൂചിപ്പിച്ച -U ആര്‍ഗ്യൂമെന്റ് ഉപയോഗിച്ചു് ആദ്യം ഡിപ്പന്‍ഡന്‍സി, ശേഷം നമുക്കു് വേണ്ട പാക്കേജ് എന്ന ക്രമത്തില്‍ അവ ഇന്‍സ്റ്റോള്‍ ചെയ്യണം.

രണ്ടാമത്തെ വഴി ഒരാള്‍ ഒരിക്കല്‍ ചെയ്യും. അയാള്‍ തന്നെ പിന്നൊരിക്കല്‍ സഹായിക്കാന്‍ ചെല്ലുമ്പോള്‍ മെനക്കേടാവും. ഏതായാലും അവ കൂടി CCRലേക്കു് ചേര്‍ക്കാമെന്നു് തീരുമാനിച്ചു. അതിനാവശ്യമായ ട്യൂറ്റോറിയല്‍ ചക്ര വിക്കിയില്‍ ലഭ്യമാണു്. ദാ ഇവിടെ

ഇങ്ങനെ ചെയ്യാമെന്നു വച്ചതുകൊണ്ടു് ഒരു ഗുണമുണ്ടായി. പാക്കേജിങ്ങിന്റെ ബാലപാഠങ്ങള്‍ അല്‍പ്പംകൂടി മനസ്സിലാക്കാനായി. ജിറ്റില്‍ നിന്നു് ഒരു യൂട്ടിലിറ്റി ചക്രയ്ക്കു് വേണ്ടി പായ്ക്ക് ചെയ്യണമെങ്കില്‍ ചെയ്യാം എന്ന ധൈര്യമായി.

അങ്ങനെ ഇന്നു് ആര്‍ച്ച് ഒഫീഷ്യല്‍ റെപ്പോസിറ്ററിയില്‍ ഉള്ള മൂന്നു പാക്കേജുകളും ആര്‍ച്ച് യൂസര്‍ റെപ്പോസിറ്ററിയില്‍ ആഷിക് നിക്ഷേപിച്ച ഒരു പായ്ക്കേജും ചേര്‍ത്തു് നാലു പാക്കേജുകള്‍ റീപായ്ക്ക് ചെയ്തു് ചക്ര കമ്മ്യൂണിറ്റി റെപ്പോസിറ്ററിയില്‍ ചേര്‍ത്തിട്ടുണ്ടു്. അവ ഇന്‍സ്റ്റോള്‍ ചെയ്യണമെന്നുള്ളവര്‍ക്കു് ഇനി കണ്‍സോളില്‍ ചെന്നു് ഇങ്ങനെ ടൈപ്പ് ചെയ്താല്‍ മതിയാകും: (ഇന്റര്‍നെറ്റ് ഉണ്ടാവണം)

ccr -S dikt libmaa dictd dict-freedict-eng-malayalam

ഇവ ഓരോന്നും ബില്‍ഡ് ചെയ്തു് ഇന്‍സ്റ്റോള്‍ ആയിക്കോളും. കണ്‍സോളില്‍ ചോദിക്കുന്ന ചോദ്യങ്ങള്‍ക്കു് ആവശ്യമായ മറുപടി കൊടുത്താല്‍ മാത്രം മതി.

പക്ഷെ ഇതുകൊണ്ടുമാത്രം ഡിക്ഷണറി ഓടുമോ? ഇല്ല. dictd daemon സ്റ്റാര്‍ട്ട് ചെയ്യണം. അതിനായി നല്‍കേണ്ട കമാന്‍ഡ് ഇതാണു്:

sudo /etc/rc.d/dictd start

ഇതുപക്ഷെ ഓരോ തവണയും ചെയ്യുന്നതു് മെനക്കേടാണു്. ഇതു് സ്ഥിരമായി ഓടാനുള്ള വഴി, rc.conf എന്ന കോണ്‍ഫിഗറേഷന്‍ ഫയലില്‍ മറ്റു ചാത്തന്മാര്‍ക്കൊപ്പം അവസാന ചാത്തനായി പേരുചാര്‍ത്തുകയാണു്. അതിങ്ങനെ.

നേരത്തെ പറഞ്ഞ ഏതെങ്കിലും മാര്‍ഗ്ഗം ഉപയോഗിച്ചു് (vi, nano, kate) /etc/rc.conf എടുക്കുക. അതില്‍ DAEMONS എന്നു തുടങ്ങുന്ന വരിയിലെത്തുക. ബ്രാക്കറ്റ് തീരുംമുമ്പായി അവസാന ഇനമെന്നോണം dictd എന്നു ചേര്‍ക്കുക. ഇനി ഓരോ തവണ സിസ്റ്റം ഓണാകുമ്പോഴും ഈ ചാത്തനും ഓടും.

ഇനി ഇതു് ക്ലയന്റില്‍ എങ്ങനെ കാണും എന്നല്ലേ? alt+f2 അടിച്ചു് krunner വരുത്തുക. അതില്‍ dikt എന്നു് അടിച്ചുകൊടുക്കുക. diktന്റെ settingsല്‍ പോയി configure dikt എടുക്കുക. hosts എന്ന ടാബ് തെരഞ്ഞെടുക്കുക. അവിടെ localhost കൂടി ചേര്‍ക്കുക. ഇനി diktല്‍ ഒരു വാക്കിനു തെരയുമ്പോള്‍ അതു് ഈ ഇംഗ്ലീഷ് മലയാളം ഡിക്ഷണറിയില്‍ തെരഞ്ഞു് മറുപടി തരും. ഇനി അതുപോര, ഇംഗ്ലീഷ് ഡിക്ഷണറികളേതെങ്കിലും വേണമെങ്കില്‍ dictionary എന്ന മെനുവില്‍ നിന്നു് host എടുത്തു് dict.org തെരഞ്ഞെടുക്കുക അതിനുശേഷം വീണ്ടും എന്റര്‍ അടിക്കുക. dictന്റെ സര്‍വറില്‍ ഉള്ള അസംഖ്യം ഡിക്ഷണറികളില്‍ ആദ്യം കിടക്കുന്നതില്‍ നിന്നുള്ള റിസല്‍റ്റ് നമുക്കു കാണാം. ഈ ഡിക്ഷണറി ആവശ്യാനുസരണം മാറ്റുകയും ചെയ്യാം.

ഇനി ഡീഫോള്‍ട്ടായി നമുക്കു് വേണ്ടതു് dict.orgലെ റിസ്റ്റല്‍റ്റാണു് എന്നുവയ്ക്കുക. നേരത്തെ പോയ വഴി settings > configure dikt > hosts എടുത്തു് ക്രമം മാറ്റുക. dict.org ആദ്യവും localhost രണ്ടാമതും മാത്രം വയ്ക്കുക. സംഗതി ക്ലീന്‍

നന്ദി: എസ്എംസി പ്രവര്‍ത്തകരായ സന്തോഷ് തോട്ടിങ്ങല്‍, രജീഷ് കെ നമ്പ്യാര്‍, ആഷിക്‍ എസ് എന്നിവര്‍ക്കു്

Here is the website: http://www.chakra-project.org/ and the wiki: http://www.chakra-project.org/wiki/index.php/Main_Page

The newest release, Aida 2010.04 for X86_64 architecture is available with zyxware. i686 may be made available upon request.

The news is that, ttf-malayalam-fonts package maintained by SMC has found place in their official platform repository. This is especially sweet because, even Arch linux have not kept malayalam fonts in its official repo, but is still in AUR (Arch User Repository).

There is a slight difference in packaging scheme of Arch and Chakra. Based on Ashik’s AUR package, I had created a CCR (Chakra Community Repo) package and submitted it yesterday. Seeing the strategic importance of supporting Malayalam, a happening language in the FLOSS world, they acted fast and moved it to official repo even without waiting for any user votes. This decision was made after a brief IRC discussion between the developers.

Now the call is ours too. Chakra is a fast evolving KDE based distro and very user friendly. Installing it in newer machines are quite easy. It maintains a half rolling release cycle and is bleeding edge. Installation and boot time seems to be much faster than many known distros. Do try it with new hardware you purchase and you would get a perfect stable modular KDE desktop. Only the bare minimum programs to get a running KDE distro is provided in live media.

Another speciality of this distro is that they keep their official packages, gtk free. Even libre office is provided removing all its gtk dependencies. But this can’t be possible with every gnome utilities. Therefore, those gtk based programs, we might need, like firefox, gimp, etc are provided as bundles and won’t be installed in the core system. Clicking on a bundle will run it instantaneously. Perfomance wise, there won’t be any delay in running them or any glitch in utility value. (Bundle system was unique for Mac systems until chakra adopted it.)

If there are more takers to this new distro, we could even think of starting localisation efforts. As KDE Malayalam is strong, only few distro specific packages would need to be localised, like the tribe installer.

Some tips for new chakra adopters.

to install a new package, there is appset-qt, a pacman front-end. (pacman is the default package management tool in arch linux)

But here, I am gonna talk about the command line.

Installing packages from official repository

$ sudo pacman -S <package-name>

(without the brackets. more package names separated with space. )

Installing packages downloaded locally

$ sudo pacman -U <package-name>

Removing an installed package

$ sudo pacman -R <package-name>

Removing an installed package with its dependencies and deleting it from package cache

$ sudo pacman -Rsn <package-name>

Installing a package from CCR (chakra community repo)

$ ccr -S <package-name>

Installing a package from AUR (arch user repository)

$ packer -S <package name>

Searching official package for availability of a package

$ sudo pacman -Ss <package-name>

Searching local package cache to determine whether a package is installed or not

$ sudo pacman -Q <package-name>

Clearing package cache and deleting them from system:

$ sudo pacman -Scc

Refreshing package database, checking for new updates and installing them

$ sudo pacman -Syu

Refreshing the package database without installing anything

$ sudo pacman -Syy

To refresh the mirrorlist and list according to speed and nearest location there are rankmirror script and reflector script in arch which is so easy to use.  installing locally downloaded packages using apt is a headache for n00bs whereas, in arch way, it can be done by changing just one letter in a command.

instead of “pacman -S”, it would be “pacman -U”

pacman is inferior to none

All of this can be done through GUI interface too in chakra but not in arch.

When installing from live media, there are two options. To boot from Its-Kernel and to boot from standard kernel. Its-Kernel would be an older Kernel, but tested, stable and reliable. It won’t have the latest functionality added to new versions of Kernel. If possible, boot from standard Kernel.

ടച്ച് സ്ക്രീന്‍ സംവിധാനവുമായി ഐഒഎസും പിന്നാലെ ഓപ്പണ്‍ ഹാന്‍ഡ്സെറ്റ് അലയന്‍സിന്റെ ആന്‍ഡ്രോയിഡും വരികയും നോക്കിയയുടെ S60 ടച്ച് സ്ക്രീന്‍ നല്‍കാതിരിക്കയും symbian ഓപ്പണ്‍സോഴ്സ് ആക്കാന്‍ വളരെ വൈകുകയും ചെയ്തതോടെ ഹൈ എന്‍ഡ് സെല്‍ഫോണ്‍ മാര്‍ക്കറ്റില്‍ അത്യാവശ്യമായ മൊബൈല്‍ ഇന്നവേഷന്‍ അപ്പാടെ ഐഫോണിലേക്കും ആന്‍ഡ്രോയിഡിലേക്കുമായി ചുരുങ്ങി. ആപ്ലിക്കേഷന്‍ ഡവലപ്മെന്റ് രംഗത്തു് അതിനോടകം വളരെ സ്ട്രോങ് ബേസ് ഉണ്ടായിരുന്നതുകൊണ്ട് റിസര്‍ച്ച് ഇന്‍ മോഷനു് (ബ്ലാക്ക്ബെറിയുടെ നിര്‍മ്മാതാക്കള്‍) ഇതു് പറയത്തക്ക പ്രശ്നമുണ്ടാക്കിയില്ലെങ്കിലും നോക്കിയയുടെ അവസ്ഥ അതായിരുന്നില്ല. ഫിന്നിഷ് കമ്പനിയില്‍ പണം മുടക്കിയിരുന്ന വെഞ്ച്വര്‍ ക്യാപിറ്റലിസ്റ്റുകള്‍ സിഇഒയുടെ ചോരയ്ക്കായി ദാഹിച്ചു. ഈ സാഹചര്യത്തിലാണു് നോക്കിയയുടെ തലപ്പത്തു് അഴിച്ചുപണി നടക്കുന്നതു്. 2010 സെപ്തംബറില്‍ Olli-Pekka Kallasvuo നോക്കിയയുടെ സിഇഒ സ്ഥാനത്തുനിന്നു് രാജിവച്ചു. ഏഞ്ചല്‍ ഇന്‍വെസ്റ്റേഴ്സിനു് ഡയറക്ടര്‍ ബോര്‍ഡില്‍ കൂടുതല്‍ സ്വാധീനം ഉണ്ടായിരുന്നതിനാല്‍ പകരം വന്നതു് മൈക്രോസോഫ്റ്റിന്റെ ഓഫീസ് പ്രോഡക്ട് ചുമതലയുണ്ടായിരുന്ന ബിസിനസ് ഹെഡ് stephen elop ആയിരുന്നു. ൧.൪ മില്യന്‍ വാര്‍ഷിക ശമ്പളത്തിനുപുറമേ ആറ് മില്യന്‍ ഡോളര്‍ സൈനിങ് ബോണസ് നല്‍കിയാണു് എലൂപ്പിനെ നോക്കിയ പൊക്കിയതു്. നോക്കിയയുടെ നടുവൊടിക്കാന്‍ പോന്ന നിയമനം. ഏതാനും ദിവസങ്ങളുടെ വ്യത്യാസത്തില്‍ നോക്കിയയുടെ മൊബൈല്‍ ഓപ്പറേഷന്‍സ് തലവന്‍ Anssi Vanjokiയും രാജിസമര്‍പ്പിച്ചു.

സ്റ്റീഫന്‍ എലൂപ്പിന്റെ കരിയര്‍ ഗ്രാഫ് അടുത്തുനിന്നു് പരിശോധിക്കേണ്ടതുണ്ടു്. വെബ് ഡലവപ്പ്മെന്റ് രംഗത്തു് ഇന്നവേഷന്‍ കൊണ്ടുവന്ന കമ്പനിയാണു് മാക്രോമീഡിയ. മാക്രോമീഡിയയുടെ ഡ്രീംവീവര്‍ എന്ന സോഫ്റ്റ്‌വെയര്‍ ഉപയോഗിച്ചാണു് ഒരുകാലത്തു് ലോകത്തെ മികച്ച ഡൈനാമിക്‍ വെബ്സൈറ്റുകള്‍ പോലുമിറങ്ങിയിരുന്നതു്. അന്നു് മൈക്രോസോഫ്റ്റിന്റെ ഫ്രണ്ട്പേജ് എന്ന പന്ന പ്രോഡക്ടിനെയാണു് ഡ്രീംവീവര്‍ മലര്‍ത്തിയടിച്ചതു്. ഇന്റര്‍നെറ്റില്‍ വീഡിയോ നല്‍കാന്‍ പരക്കെ ഉപയോഗിക്കുന്ന ഫ്ളാഷ് മാക്രോമീഡിയയുടെ സംഭാവനയാണു്. ഇത്തരം മികച്ച പ്രോഡക്ട് ലൈന്‍ ഉണ്ടായിരുന്ന കമ്പനിയുടെ തലപ്പത്തിരുന്നു് അഡോബിയുമായി വിലപേശി മാക്രോമീഡിയയെ അഡോബിയുടെ കുടക്കീഴിലാക്കിയ വ്യക്തിയാണു് എലൂപ്. അതിനുശേഷം ആറുമാസത്തോളം അഡോബിയിലും അദ്ദേഹം പ്രവര്‍ത്തിച്ചിരുന്നു. കോര്‍പ്പറേറ്റ് ലോകത്തു് M&As പലരുടെയും ഉറക്കം കെടുത്തുമെങ്കിലും അതില്‍ ബ്രോക്കറേജ് ചെയ്യുന്നയാള്‍ അതിലൂടെ വന്‍തോക്കായി മാറും (ഏഷ്യാനെറ്റ് മാധവനെക്കുറിച്ചു് ഇതേപോലെയൊരു കഥയുണ്ടല്ലോ). grapevine അനുസരിച്ചു്, എലൂപ്പിനു് നോക്കിയയില്‍ നിന്നു കിട്ടുന്ന വരുമാനത്തേക്കാളേറെ, മൈക്രോസോഫ്റ്റ് ഷെയറുകളില്‍ നിന്നും ലഭിക്കുന്നുണ്ടു്.  ബില്‍ ഗേറ്റ്സിന്റെ മെലിന്‍ഡ ഫൌണ്ടേഷന്‍ കഴിഞ്ഞാല്‍ ഏറ്റവും കൂടുതല്‍ മൈക്രോസോഫ്റ്റ് ഷെയര്‍ ഉള്ള (ഏകദേശം 7%) വ്യക്തികളില്‍ ഒരാളാണു് എലൂപ് എന്നാണു് പറയപ്പെടുന്നതു്. എന്തായാലും ഒരു കമ്പനിയെ മറ്റൊന്നിന്റെ കാല്‍ക്കല്‍വച്ചു് ചുരുട്ടിക്കൊടുക്കുന്ന പരിപാടിക്കു് മിടുക്കനാണു് എലൂപ്. ഈ usp ആകാം, നോക്കിയയിലെ ആദ്യ non-finnish CEO ആകാന്‍ എലൂപ്പിനെ സഹായിച്ചിരിക്കുക.

സ്റ്റീഫന്‍ എലൂപ് ചാര്‍ജ് ഏറ്റെടുത്തു് കഷ്ടി ഒരുമാസം പിന്നിട്ടപ്പോള്‍ തന്നെ നോക്കിയയുടെ മീഗോ ഡിവൈസസ് ആന്‍ഡ് ഓപ്പറേഷന്‍സ് വൈസ് പ്രസിഡന്റായിരുന്ന Ari Jaaksi  കമ്പനിവിട്ടു. മീഗോയുടെ ഭാവി സംബന്ധിച്ച ഒരു സൂചനയായിരുന്നു, ഈ രാജി എന്നു കരുതാം. പ്രതീക്ഷിച്ച വേഗതയില്‍ മീഗോ ഡവലപ്മെന്റ് മുന്നേറിയില്ല. മുങ്ങിക്കൊണ്ടിരുന്ന കമ്പനിയെ സംബന്ധിച്ചു് മീഗോയുടെ പുറത്തു് ഇന്‍വെസ്റ്റ് ചെയ്യുന്ന പണം worth ആണോ എന്ന സംശയം ജനിച്ചിരിക്കണം. നോക്കിയയുടെ paid developers കൂടാതെ ഒട്ടേറെ വോളന്റിയര്‍ ഡവലപ്പേഴ്സും മീഗോയ്ക്കു് കോഡ് സംഭാവന ചെയ്യാന്‍ തയ്യാറായിയെങ്കിലും അതു് തങ്ങളുടെ indirect revenue ആണെന്നു് അംഗീകരിക്കാന്‍ നോക്കിയയ്ക്കു കഴിഞ്ഞില്ല. 2010 അവസാനം പുറത്തിറങ്ങുമെന്നു് പ്രതീക്ഷിച്ചിരുന്ന നോക്കിയയുടെ ആദ്യ മീഗോ ഫോണ്‍ പുറത്തിറങ്ങിയതേയില്ല. നേരത്തെ മെയ്മോയിലുള്ള N900 വാങ്ങിയ ചിലര്‍ മാത്രം, വെബ്ബിലൂടെ അതിനെ മീഗോ ആക്കി മാറ്റിയതല്ലാതെ മീഗോ ഒഎസ് ഉപയോഗിക്കുന്ന ഒരു സ്മാര്‍ട് ഫോണ്‍ പോലും ഔദ്യോഗികമായി കമ്പനി പുറത്തിറക്കിയില്ല. എന്നാല്‍ അതേസമയം തന്നെ കെഡിഇ സമ്മിറ്റിലും മറ്റും മീഗോ ഉയര്‍ത്തിയ പ്രതീക്ഷകള്‍ വാനോളമായിരുന്നു (read The future of KDE).

2011 ജനുവരിയില്‍ നോക്കിയയുടെ ജര്‍മ്മന്‍ പ്ലാന്റ് അടച്ചുപൂട്ടുന്നു എന്നു് കമ്പനി പ്രഖ്യാപിച്ചത് തീര്‍ത്തും അവിശ്വസനീയമായാണു് തൊഴിലാളികള്‍ സ്വീകരിച്ചതു്. ഫെബ്രുവരി ആയപ്പോഴേക്കും കളിമാറി. നോക്കിയയെ ബേണിങ് പ്ലാറ്റ്ഫോമായി വിശേഷിപ്പിക്കുന്ന ഒരു മെമ്മോ എലൂപ്പിന്റേതായി ജീവനക്കാര്‍ക്കു ലഭിച്ചു. ചില പ്രമുഖ ടെക്‍ സൈറ്റുകള്‍ അതിന്റെ ഉള്ളടക്കം പ്രസിദ്ധീകരിച്ചു. ദിവസങ്ങള്‍ക്കുള്ളില്‍ എലൂപ് മൈക്രോസോഫ്റ്റുമായി നോക്കിയ കൂട്ടുചേരുകയാണെന്നു് പ്രഖ്യാപിച്ചു. തങ്ങളുടെ സിംബിയനെ ഉപേക്ഷിച്ചു്, മിഡ് എന്‍ഡ് സ്മാര്‍ട് ഫോണുകളുടെ ഓപ്പറേറ്റിങ് സിസ്റ്റമായി നോക്കിയ വിന്‍ഡോസ് മൊബൈലിനെ സ്വീകരിച്ചു. സ്മാര്‍ട് ഫോണ്‍ വിപണിയിലെ വെറും toy OS ആയ, പഴയ വിന്‍ഡോസ് ഡെസ്ക്ടോപ്പ് വേര്‍ഷനുകളിലെ blue screen of deathനെ ഓര്‍മ്മിപ്പിക്കുന്ന നിലയില്‍ എപ്പോഴും ക്രാഷ് ആവുന്ന വിന്‍ഡോസ് മൊബൈലിനെ ഉപേക്ഷിച്ചു് HTC അടക്കമുള്ള OEMs വലിയ തോതില്‍ തന്നെ ആന്‍ഡ്രോയിഡിലേക്കും മറ്റും ചുവടുമാറ്റുന്നതിനിടയിലായിരുന്

Provided, ibus daemon is up and running, close any libre office instance, go to konsole / yakuake (hey gnome buddies out there, yakuake is a drop-down terminal you would long for, but is only available in kde4) and run libre office with gnome integration from command line

Either

$ OOO_FORCE_DESKTOP=gnome soffice

ഡെസ്ക്ടോപ്പ്‌ സോഫ്റ്റ്‌വെയർ ഇൻഫ്രാസ്ട്രക്ചർ മൈക്രോസോഫ്റ്റ്‌ വിൻഡോസിൽ നിന്ന്‌ ഉബുണ്ടു ലിനക്സ്‌ വിതരണത്തിലേക്ക്‌ മാറ്റുക വഴി തങ്ങൾ കോടികൾ ലാഭമുണ്ടാക്കിയതായി ഫ്രാൻസിലെ ദേശീയ പൊലീസ്‌ സേനയായ ജെൻഡാർമെറീ നേഷനെലീ അവകാശപ്പെടുന്നു. 

സേനയിലുടനീളം ഉപയോഗത്തിലിരുന്നിരുന്ന മൈക്രോസോഫ്റ്റ്‌ ഓഫീസിന്‌ പകരം ഓപ്പൺ ഓഫീസ്‌ വിന്യസിച്ചതിലൂടെ 2005ലാണ്‌ ജെൻഡാർമെറി സ്വതന്ത്ര സോഫ്റ്റ്‌വെയറിലേക്കുള്ള പരിണാമം ആരംഭിച്ചത്‌. സാങ്കേതിക മേന്മ മാത്രമല്ല, മൈക്രോസോഫ്റ്റ്‌ ഓഫീസിന്റെ ലൈസൻസിന്‌ വേണ്ടിവരുന്ന ഭീമമായ ചെലവും ഇതിന്‌ പ്രേരകമായി. സാങ്കേതിക കാരണങ്ങളാൽ സേന പിന്നീട്‌ ഫയർഫോക്സും തണ്ടർബേഡും അടക്കം ഇതര സ്വതന്ത്ര സോഫ്റ്റ്‌വെയർ പ്രവർത്തകങ്ങളും ഘട്ടംഘട്ടമായി സ്വീകരിച്ചു.

2006ലെ വിൻഡോസ്‌ വിസ്റ്റയുടെ ലോഞ്ച്‌ ആണ്‌ മൈക്രോസോഫ്റ്റിന്‌ ഏറ്റവും വലിയ അടിയായത്‌. വിസ്റ്റയുടെ സാങ്കേതികപ്പിഴവുകൾ പൊലീസ്‌ സേനയെ ഓപ്പറേറ്റിങ്‌ സിസ്റ്റത്തിന്റെ കാര്യത്തിലും മാറിച്ചിന്തിക്കാൻ പ്രേരിപ്പിച്ചു. അതോടെ പല ഘട്ടങ്ങളായി വിൻഡോസിൽ നിന്ന്‌ പൂർണ്ണമായും പുറത്തുകടക്കാനും പകരം ഉബുണ്ടുവിലേക്ക്‌ പരിവർത്തനം ചെയ്യാനും തീരുമാനിക്കുകയായിരുന്നു. 

മൈക്രോസോഫ്റ്റ്‌ എക്സ്പിയിൽ നിന്ന്‌ വിസ്റ്റയിലേക്ക്‌ മാറുന്നത്‌ സേനയ്ക്ക്‌ പറയത്തക്ക മെച്ചങ്ങളൊന്നും നൽകില്ലെന്ന്‌ അവർ വിലയിരുത്തി. തന്നെയുമല്ല, അതിന്‌ ഉപയോക്താക്കളെ പരിശീലിപ്പിക്കേണ്ടതുണ്ടെന്നും മൈക്രോസോഫ്റ്റ്‌ പറഞ്ഞു. അതേ സമയം എക്സ്പിയിൽ നിന്നു ഉബുണ്ടുവിലേക്കുള്ള മാറ്റം തീർത്തും സുഗമമായിരുന്നു. 

ഇതിനോടകം, സേന ഉപയോഗിക്കുന്ന 5,000 വർക്സ്റ്റേഷനുകളിൽ ഉബുണ്ടുവാണ്‌ ഒഎസ്‌. ഈ പൈലറ്റ്‌ ഘട്ടം വിജയകരമായി പൂർത്തിയാക്കിയതോടെ ഈ വർഷം അവസാനത്തോടെ 15,000 വർക്സ്റ്റേഷനുകൾ കൂടി ഉബുണ്ടുവിലേക്ക്‌ മാറ്റാനാണ്‌ തീരുമാനിച്ചിരിക്കുന്നത്‌. 2015-ഓടെ സ്ഥാപനം പൂർണ്ണമായും ലിനക്സ്‌ വിതരണത്തിലേക്ക്‌ മാറ്റാനാണ്‌ ആലോചിക്കുന്നത്‌. 90,000 വർക്സ്റ്റേഷനുകളിൽ അപ്പോഴേക്കും ഉബുണ്ടുവാകും റൺ ചെയ്യുക. 

യൂറോപ്യൻ കമ്മിഷന്റെ ഓപ്പൺ സോഴ്സ്‌ ഒബ്സർവേറ്ററി പ്രസിദ്ധീകരിച്ച ഒരു റിപ്പോർട്ടിൽ ജെൻഡാർമെറി ലഫ്റ്റൻന്റ്‌ കേണൽ ക്സേവ്യർ ഗൂയ്മാർഡ്‌ നടത്തിയ ഒരു പ്രസന്റേഷന്റെ വിശദാംശങ്ങൾ ഉൾപ്പെടുത്തിയിട്ടുണ്ട്‌. അതിൽ അദ്ദേഹം അവകാശപ്പെടുന്നത്‌, തങ്ങളുടെ ശേഷിയിൽ യാതൊരു കുറവും വരുത്താതെ തന്നെ വാർഷിക ഐടി ബജറ്റ്‌ 70% കുറയ്ക്കാൻ ജെൻഡാർമെറിക്ക്‌ കഴിഞ്ഞതായാണ്‌. 

മൈഗ്രേഷൻ സ്ട്രാറ്റജിയുടെ ഫലമായി 2004 മുതൽ ലൈസൻസിങ്‌, മെയിന്റനൻസ്‌ കോസ്റ്റ്‌ എന്നീ ഇനങ്ങളിൽ ജെൻഡാർമെറിക്ക്‌ 50 മില്യൻ യൂറോ (343 കോടി രൂപ) ലാഭിക്കാൻ കഴിഞ്ഞതായി അദ്ദേഹം പറയുന്നു. സേന വിൻഡോസ്‌ വിസ്റ്റ സ്വീകരിച്ചിരുന്നെങ്കിൽ അഭിമുഖീകരിക്കേണ്ടി വരുമായിരുന്ന വെല്ലുവിളികളുമായി താരതമ്യം ചെയ്യുമ്പോൾ എക്സ്പിയിൽ നിന്ന്‌ ഉബുണ്ടുവിലേക്കുള്ള മാറ്റം വളരെ കുറച്ച്‌ പ്രശ്നങ്ങൾ മാത്രമേ ഉണർത്തിയുള്ളൂ എന്ന്‌ അദ്ദേഹം വിശ്വസിക്കുന്നു. “ഇരു ഒഎസുകളും തമ്മിലുള്ള രണ്ട്‌ പ്രധാന വ്യത്യാസങ്ങൾ ഐക്കണുകളും ഗെയിമുകളുമാണ്‌. ഗെയിയുമകൾ ഞങ്ങളുടെ മുൻഗണനയല്ല,” ഗൂയ്മാർഡ്‌ പറയുന്നു. 

തുറന്ന മാനകങ്ങൾക്കുള്ള (ഓപ്പൺ സ്റ്റാൻഡേർഡ്സ്‌) പിന്തുണ ജെൻഡാർമെറിയുടെ ഐടി നയത്തിന്റെ കാതലായ ഭാഗമാണ്‌. മാനകാധിഷ്ഠിത സാങ്കേതികവിദ്യകൾ സ്വീകരിക്കുന്നതിലൂടെ വെൻഡറെ തിരഞ്ഞെടുക്കുന്ന കാര്യത്തിൽ കൂടുതൽ സ്വാതന്ത്ര്യം ലഭിക്കുന്നു എന്ന്‌ തന്നെയല്ല, സർക്കാരിന്റെ ഇതര നെറ്റ്‌വർക്കുകളുമായി ഇന്റർഓപ്പറേറ്റ്‌ ചെയ്യാനും ഇതുമൂലം അനായാസം കഴിയും. തുറന്ന മാനകങ്ങൾ കൂടുതൽ ഫലപ്രദമായി സ്വീകരിക്കുകയും കൈകാര്യ ചെയ്യുകയും ചെയ്യുന്നത്‌ സ്വതന്ത്ര സോഫ്റ്റ്‌വെയർ വിതരണങ്ങളാണെന്നത്‌ സുവിദിതമാണ്‌. ലിനക്സ്‌ ആവട്ടെ, റിമോട്ട്‌ മെയിന്റനൻസ്‌ ടാസ്കുകൾ ഏറെക്കുറെ ലളിതമാക്കിയിട്ടുമുണ്ട്‌. 

ഫ്രാൻസിലെ മറ്റ്‌ പല സർക്കാർ ഏജൻസികളും ഗ്നൂ/ലിനക്സ്‌ അഡോപ്റ്റ്‌ ചെയ്തു കഴിഞ്ഞു. ഫ്രഞ്ച്‌ നാഷണൽ അസംബ്ലി 1,000 വർക്സ്റ്റേഷനുകളിൽ ഉബുണ്ടുവാണ്‌ റൺ ചെയ്യുന്നത്‌. കാർഷിക മന്ത്രാലയം മാൻഡ്രിവ ലിനക്സ്‌ ഉപയോഗിക്കുന്നു. 

ഫ്രഞ്ച്‌ ദേശീയ പൊലീസ്‌ സേനയുടെ ഉബുണ്ടുവിലേക്കുള്ള മൈഗ്രേഷന്റെ വിജയം ഐടിയിലെ എമേർജിങ്‌ ട്രെൻഡുകളുടെ പ്രതിഫലനമാണ്‌. കമ്മ്യൂണിറ്റി-ഡ്രിവൺ വിതരണങ്ങളുടെ വർധിക്കുന്ന സ്വാധീനമാണ്‌ അവയിലൊന്ന്‌. അത്തരം വിതരണങ്ങൾ അഡോപ്റ്റ്‌ ചെയ്യുന്ന സ്ഥാപനങ്ങൾ ഇന്റേണലായി തന്നെ അവയെ മെച്ചപ്പെടുത്താൻ സഹായിക്കുന്നുമുണ്ട്‌. വാർഷിക കൊമേഴ്സ്യൽ സപ്പോർട്ട്‌ കോൺട്രാക്ടുകളുള്ള റെഡ്‌ ഹാറ്റ്‌ പോലത്തെ പരമ്പരാഗത എന്റർപ്രൈസ്‌ ലിനക്സ്‌ വിതരണങ്ങളെക്കാൾ മെയിന്റനൻസ്‌ ചെലവുകുറവാണെന്നത്‌ കമ്മ്യൂണിറ്റി – ഡ്രിവൺ ഡിസ്ട്രോകൾക്ക്‌ മുൻഗണന ലഭിക്കാൻ ഇടയാക്കുന്നതായി അനലിസ്റ്റുകൾ ചൂണ്ടിക്കാട്ടുന്നു. 

ഓപ്പൺ സോഴ്സ്‌ സോഫ്റ്റ്‌വെയർ സ്വീകരിക്കുന്നതിലൂടെ സർക്കാരുകൾക്ക്‌ ലഭിക്കാവുന്ന പ്രസക്തമായ കോസ്റ്റ്‌ സേവിങ്സിനെ കുറിച്ചും ജെൻഡാർമെറീ മൈഗ്രേഷൻ തെളിവ്‌ തരുന്നു. ആഗോള സാമ്പത്തിക മാന്ദ്യം ബജറ്റിൽ സമ്മർദ്ദങ്ങളുയർത്തവെ ഐടി കോസ്റ്റ്‌ വെട്ടിച്ചുരുക്കാനുള്ള മാർഗ്ഗങ്ങളിലൊന്നായി ഗവൺമെന്റുകൾ സ്വതന്ത്ര സോഫ്റ്റ്‌വെയറുകളെ കൂടുതലായി കണ്ടെന്ന്‌ വരാം. കാനഡയും യുകെയും ഈ ദിശയിലുള്ള നീക്കങ്ങൾ തുടങ്ങിക്കഴിഞ്ഞു.

മൊബൈൽ ലോകത്തിന്റെ വലിയ പങ്കും ഇനിയും മൂന്നാം തലമുറ മൊബൈൽ കമ്മ്യൂണിക്കേഷൻസിലേക്ക്‌ മാറാനിരിക്കെ യൂറോപ്യൻ ഗവേഷകർ ഇതിനകം തന്നെ പ്രതിനിമിഷം 12.5 ജിബി ഡേറ്റ വയർലെസായി ഡെലിവർ ചെയ്യാൻ കഴിയുന്ന നാലാംതലമുറയും കടന്നുള്ള നൂതനസാങ്കേതിക വിദ്യ വികസിപ്പിക്കുന്ന തിരക്കിലാണ്‌.

മില്ലിമീറ്റർ വേവ്‌ എന്നും മൈക്രോവേവ്‌ ഫോട്ടോണിക്സ്‌ എന്നും പേരുള്ള ഈ പുതിയ ടെക്നോളജിക്ക്‌ ടെലികമ്മ്യൂണിക്കേഷൻ മേഖലയിൽ മാത്രമല്ല, ഇൻസ്ട്രമെന്റേഷൻ, റഡാർ, സെക്യൂരിറ്റി, റേഡിയോ ആസ്ട്രോണമി തുടങ്ങിയ ഇതരമേഖലകളിലും വാണിജ്യാടിസ്ഥാനത്തിലുള്ള വമ്പൻ പ്രയോഗ സാധ്യതകളാണുള്ളത്‌.

എംഎം-വേവ്‌ കമ്പോണന്റുകൾ ഉത്പാദിപ്പിക്കാനായി ഏറ്റവും ആധുനികമായ റേഡിയോ, ഒപ്ടിക്സ്‌ സാങ്കേതികവിദ്യകൾ ഒരുമിച്ച്‌ പ്രയോഗിച്ച്‌ നേടിയ പ്രവർത്തന മികവിലെ വമ്പൻ കുതിപ്പിന്റെ ഗുണഫലങ്ങൾ സാധാരണക്കാർക്ക്‌ കൂടി ലഭ്യമാവാൻ ഏതാനും വർഷങ്ങൾ കൂടി കാത്തിരുന്നാൽ മതിയാകും. യൂറോപ്യൻ യൂണിയൻ ഫണ്ട്‌ ചെയ്യുന്ന IPHOBAC എന്ന പ്രോജക്ടിനാണ്‌ ഇതിന്‌ നന്ദി പറയേണ്ടത്‌. എംഎം വേവ്‌ ആപ്ലിക്കേഷനുകൾക്കായി കമ്പോണന്റുകളുടെയും സിസ്റ്റങ്ങളുടെയും പുതിയ ക്ലാസ്‌ വികസിപ്പിക്കുക എന്ന ലക്ഷ്യത്തോടെ അക്കാദമിക്‌ ലോകവും വ്യവസായ വൃത്തങ്ങളും തമ്മിലുള്ള പങ്കാളിത്തം യാഥാർത്ഥ്യമാക്കിയ പദ്ധതി കൂടിയാണിത്‌.

റേഡിയോ സ്പെക്ട്രത്തിലെ അത്യധികം ഉയർന്ന ഫ്രീക്വൻസിയിലുള്ള ബാൻഡ്‌ ആണ്‌ എംഎം വേവ്‌. 30-300 ജിഗാഹേർട്സിനിടയിലാണ്‌ 1-10 എംഎം തരംഗദൈർഘ്യമുള്ള ഈ ബാൻഡ്‌ ഉൾപ്പെടുന്നത്‌. അധികം വികസനങ്ങളൊന്നും നടന്നിട്ടില്ലാത്ത മേഖലയാണിത്‌. അതുകൊണ്ടു തന്നെ അൽപ്പമാത്രവും ഏറെ ആവശ്യകതയും ഉള്ള ഈ സ്പെക്ട്രത്തെ പരമാവധി ഉപയോഗപ്പെടുത്താനുള്ള ഗവേഷണമാണ്‌ പുതിയ സാങ്കേതിക വിദ്യ മുമ്പോട്ട്‌ നയിക്കുന്നത്‌.

സാങ്കേതികവിദ്യയിൽ ഗവേഷണം നടത്തുന്ന വെറുമൊരു പേപ്പർ പ്രോജക്ട്‌ അല്ല IPHOBAC. പകരം ‘മെയ്ഡ്‌ ഇൻ യൂറോപ്പ്‌’ ലേബലുള്ള നിലവാരമേറിയ പുതിയ ഉത്പന്നങ്ങൾ വികസിപ്പിക്കാനും വാണിജ്യോപയോഗം പ്രോത്സാഹിപ്പിക്കാനുമുള്ള വളരെ പ്രായോഗികമായ പ്രയത്നം കൂടിയാണത്‌. ജപ്പാനിലെയും യുഎസിലെയും പല കമ്പനികളും ഒപ്ടിക്കൽ, റേഡിയോ ഫ്രീക്വൻസി സാങ്കേതികവിദ്യകൾ സമന്വയിപ്പിക്കുന്നതിനുള്ള ഗവേഷണങ്ങളിൽ മുഴുകുന്നുണ്ടെങ്കിലും ഈ മേഖലയിലുള്ള ആദ്യ പൂർണ്ണമായ ഇന്റഗ്രേറ്റഡ്‌ എഫർട്ട്‌ ആണ്‌ ധാരാളം കമ്പനികളുടെ പങ്കാളിത്തമുള്ള IPHOBAC പ്രോജക്ട്‌. 2009ന്‌ അവസാനിക്കുന്ന ത്രൈവാർഷിക പ്രോജക്ടിന്റെ ഭാഗമായി ഇതിനകം തന്നെ ധാരാളം നേട്ടങ്ങൾ അവർ നേടിക്കഴിഞ്ഞു.

ഗവേഷകർ അടുത്തിടെ വികസിപ്പിച്ച ഒരു ചെറുകമ്പോണന്റ്‌ ആണ്‌ എടുത്തുപറയേണ്ട നേട്ടം. എംഎം വേവ്‌ ബാൻഡ്‌ പൂർണ്ണമായും അതിനപ്പുറവും ഉപയോഗിച്ച്‌ തുടർച്ചയായി സിഗ്നൽ ട്രാൻസ്മിറ്റ്‌ ചെയ്യാൻ സാധിക്കുന്ന ഒരു ട്രാൻസ്മിറ്ററാണ്‌ ഇത്‌. അതിന്റെ ഫുൾ റേഞ്ച്‌ 30-325 ജിഗാഹേർട്സാണ്‌. അതിനേക്കാൾ കൂടിയ ഫ്രീക്വൻസിയിലുള്ള പ്രവർത്തനവും പരീക്ഷണദശയിലാണ്‌. ഈ റേഞ്ചിലുള്ള പെർഫോമൻസ്‌ ഡെലിവർ ചെയ്യാൻ കഴിയുന്ന ലോകത്തിലെ ആദ്യ കമ്പോണന്റ്‌ എന്ന നിലയിൽ ഇത്‌ കമ്മ്യൂണിക്കേഷൻസ്‌ സിസ്റ്റത്തിലും റഡാർ സിസ്റ്റത്തിലും ഒരേ പോലെ ഉപയുക്തമാകും.

ഈ ട്രാൻസ്മിറ്റർ കൂടാതെ 110 ജിഗാഹേർട്സ്‌ മോഡുലേറ്ററുകൾ, 110 ജിഗാഹേർട്സ്‌ ഫോട്ടോ ഡിറ്റക്ടറുകൾ, 300 ജിഗാഹേർട്സ്‌ ഡ്യൂയൽ മോഡ്‌ ലേസറുകൾ, 60 ജിഗാഹേർട്സ്‌ മോഡ്‌-ലോക്ക്ഡ്‌ ലേസറുകൾ, 60 ജിഗാഹേർട്സ്‌ ട്രാൻസീവറുകൾ എന്നിവയും ഈ പ്രോജക്ടിന്റെ ഭാഗമായി വികസിപ്പിച്ചുകഴിഞ്ഞു.

ഇലക്ട്രോണിക്സിലൂടെ സാധ്യമല്ലാത്ത അൾട്രാ-വൈഡ്‌ ട്യൂണബിളിറ്റി, ലോ-ഫേസ്‌ നോയിസ്‌ തുടങ്ങിയ വ്യതിരിക്തമായ ശേഷിയുള്ള മില്ലിമീറ്റർ വേവ്‌ ഫോട്ടോണിക്സ്‌ ഹൈ ഫ്രീക്വൻസി ആപ്ലിക്കേഷനുകൾക്ക്‌ വേണ്ടിയുള്ള ‘ഹൈലി ഡിസ്‌റപ്ടീവ്‌’ ആയ ടെക്നോളജി ആണെന്ന്‌ പ്രോജക്ട്‌ കോർഡിനേറ്റർ ആൻഡ്രിയാസ്‌ സ്റ്റോഹർ പറയുന്നു.

ടെലികമ്മ്യൂണിക്കേഷൻസ്‌ ശൃംഖലകളിലൂടെ അൾട്രാ ഫാസ്റ്റ്‌ വയർലെസ്‌ ഡേറ്റ ട്രാൻസ്ഫർ സാധ്യമാകുമെന്നത്‌ മാത്രമല്ല ഇതിന്റെ പ്രായോഗികവശം. അതിനുമപ്പുറം ഒട്ടേറെ പുതിയ ആപ്ലിക്കേഷനുകളും സാധ്യമാകും. http://www.iphobac-survey.org എന്ന വെബ്സൈറ്റിൽ ഇതേക്കുറിച്ച്‌ വിശദവിവരങ്ങളുണ്ട്‌.

ലയോണിൽ നടന്ന ഐസിടി 2008 എക്സിബിഷനിൽ ടോപ്‌ ടെൽ ബെസ്റ്റ്‌ എക്സിബിറ്റ്സ്‌ പട്ടികയിൽ ഇടം നേടിയ 60 ജിഗാഹേർട്സ്‌ ഫോട്ടോണിക്‌ വയർലെസ്‌ സിസ്റ്റം ആണ്‌ ഒരു ഉദാഹരണം. വീട്ടിനുള്ളിൽ ഉപയോഗിക്കുന്ന സെറ്റ്‌ ടോപ്‌ ബോക്സ്‌, ടെലിവിഷൻ, പേഴ്സണൽ കമ്പ്യൂട്ടർ, മൊബൈൽ ഡിവൈസസ്‌ തുടങ്ങിയ വിവിധ ഉപകരണങ്ങൾക്കിടയിൽ ഫുൾ ഹൈ ഡഫനിഷൻ വയർലെസ്‌ കണക്ടിവിറ്റി അനുവദിക്കുന്ന സാങ്കേതിക വിദ്യയാണിത്‌. ഫുൾ വയർലെസ്‌ എച്ച്ഡിക്ക്‌ ആവശ്യമായ മൂന്ന്‌ ജിഗാബൈറ്റ്സ്‌ പെർ സെക്കൻഡ്‌ വരെയുള്ള വേഗത കൈവരിച്ച ആദ്യ ഹോം ഏരിയ നെറ്റ്‌വർക്ക്‌ ആയിരുന്നു, അത്‌.

നടന്നുകൊണ്ടിരിക്കുന്ന ഇവന്റുകളുടെ മൾട്ടിക്യാമറ കവറേജ്‌ എച്ച്ഡിയിൽ നൽകാനും ഈ സിസ്റ്റം ഉപയോഗിക്കാം. “എല്ലാ ക്യാമറയിൽ നിന്നുമുള്ള ലൈവ്‌ ഫീഡ്‌ കണ്ടാൽ മാത്രമേ അവയിലേതാണ്‌ ഉപയോഗിക്കേണ്ടതെന്ന്‌ സംവിധായകന്‌ തീരമാനിക്കാനാവൂ. അപ്പോൾ പിന്നെ സിഗ്നലുകൾ കംപ്രസ്‌ ചെയ്യാൻ സമയമില്ല. കംപ്രസ്‌ ചെയ്യാത്ത ഹൈ ഡെഫനിഷൻ വീഡിയോ/ഓഡിയോ സിഗ്നലുകൾ അത്ര വേഗത്തിൽ ട്രാൻസ്മിറ്റ്‌ ചെയ്യാൻ കഴിവുറ്റ ഡേറ്റ ട്രാൻസ്ഫർ നിരക്ക്‌ നൽകാൻ നിലവിൽ സാധ്യമായ ഏക സാങ്കേതിക വിദ്യ ഞങ്ങളുടേതാണ്‌,” സ്റ്റോഹ്ര് പറയുന്നു.

ആക്സസ്‌ ടെലികോം ശൃംഖലയിൽ ഇതേ സാങ്കേതികവിദ്യ ഡെമോൺസ്ട്രേറ്റ്‌ ചെയ്തപ്പോൾ സാധ്യമായ ഡേറ്റ റേറ്റ്സ്‌ ലോക റെക്കോഡ്‌ ആണ്‌. ഷോർട്ട്‌ – ടു – മീഡിയം വയർലെസ്‌ സ്പാൻസിൽ 12.5 ജിബി/സെക്കൻഡ്‌ വേഗതയാണ്‌ കൈവരിക്കാനായത്‌. ഇത്‌ വരാനിരിക്കുന്ന നാലം തലമുറ (4ജി) മൊബൈൽ നെറ്റ്‌വർക്കിനേക്കാൾ 1500 മടങ്ങ്‌ അധികമാണ്‌.

ചുരുങ്ങിയ കാലപരിധിക്കുള്ളിൽ ഈ സാങ്കേതിക വിദ്യ വിന്യസിക്കാനാവുന്നതെങ്ങനെയെന്നും സ്റ്റോഹ്ര് വിശദീകരിക്കുന്നു. വളരെ റിമോട്ട്‌ ആയ പ്രദേശങ്ങളിൽ വളരെ വേഗതയേറിയ ബ്രോഡ്ബാൻഡ്‌ വയർലെസായി സപ്പോർട്ട്‌ ചെയ്യാം എന്നതാണ്‌ ആശയം. “സെക്കൻഡിൽ 10 ജിബി ഡെലിവർ ചെയ്യാനാവുന്ന ഫൈബർ നിങ്ങൾക്ക്‌ ഭൂമിക്കടിയിലിടാം. എന്നാൽ ഫൈബറിന്റെ സാന്നിദ്ധ്യമില്ലാത്ത ഉൾപ്രദേശങ്ങളിലേക്ക്‌ വായുവിലൂടെ ബ്രോഡ്ബാൻഡ്‌ ഡെലിവർ ചെയ്യാനും ഫൈബർ നെറ്റ്‌വർക്കുകൾക്കിടയിലെ വിടവുകൾ നികത്താനും പുതിയ സാങ്കേതിക വിദ്യ ഉപയോഗിക്കാം,” അദ്ദേഹം പറയുന്നു.

യൂറോപ്യൻ സ്പേസ്‌ ഏജൻസിയുമായി ചേർന്ന്‌ ബഹിരാകാശ യത്നങ്ങൾക്ക്‌ ആവശ്യമായ പ്രവർത്തകങ്ങളും പ്രോജക്ടിന്റെ ഭാഗമായി വികസിപ്പിക്കുന്നു. 100 ജിഗാഹേർട്സ്‌ ബാൻഡിലാവും ഇവ പ്രവർത്തിക്കുക. എന്നാൽ ഇതുസംബന്ധിച്ച വിവരങ്ങൾ പരസ്യമാക്കിയിട്ടില്ല.

പ്രീ കൊമേഴ്സ്യൽ ഘട്ടം വരെയെത്തിയ ചില കമ്പോണന്റുകൾ ഇതിനകം തന്നെ ഈ പ്രോജക്ടിന്റെ ഭാഗമായുണ്ട്‌. സീമെൻസ്‌, എറിക്സൺ, തെയ്‌ല്സ്‌ കമ്മ്യൂണിക്കേഷൻസ്‌, മലേഷ്യ ടെലികോം തുടങ്ങി ടെലികമ്മ്യൂണിക്കേഷൻ രംഗത്തെ വമ്പന്മാരുമായി ചർച്ചകളും നടക്കുന്നു. ” ഏതാനും വർഷത്തിനുള്ളിൽ ടെലികമ്മ്യൂണിക്കേഷൻ രംഗത്തെ IPHOBAC പ്രോജക്ടിന്റെ ഗുണഫലങ്ങൾ വീട്ടിലും റേഡിയോ ആസ്ട്രോണമിയിലും ബഹിരാകാശത്തും അടക്കം എല്ലാവർക്കും കാണാൻ സാധിക്കും. വൈദ്യ രംഗത്ത്‌ അടക്കം ഒട്ടേറെ പുതിയ പ്രയോഗ സാധ്യതകൾ വാഗ്ദാനം ചെയ്യുന്ന പുത്തൻ സാങ്കേതികവിദ്യയാണിത്‌. സ്കിൻ ക്യാൻസർ കണ്ടെത്താൻ എംഎം-വേവ്‌ ഉപയോഗിക്കുന്ന ഉപകരണങ്ങൾ പരീക്ഷണഘട്ടത്തിലാണ്‌,” സ്റ്റോഹ്ര് പറയുന്നു.

പ്രധാനമന്ത്രിയുടെ കാര്യാലയത്തിലേക്ക്‌ അയയ്ക്കുന്ന ഇമെയ്‌ലുകള്‍ പലതും ലക്ഷ്യസ്ഥാനത്തെത്താതെ അപ്രത്യക്ഷമാവുകയും പലതിനും മറുപടി ലഭിക്കാതിരിക്കയും ചെയ്തതോടെയാണ്‌ മെയില്‍ ക്ലയന്റില്‍ കമ്പ്യൂട്ടര്‍ വൈറസ്‌ കടന്നുകൂടിയതായി തിരിച്ചറിയുന്നത്‌. അപ്പോഴേക്കും മൂന്നുമാസത്തോളം കടന്നുപോയിരുന്നു എന്നതാണ്‌ സങ്കടകരമായ വസ്തുത. ഫെബ്രുവരി 2008 മുതല്‍ ഏപ്രില്‍ 2008 വരെയായിരുന്ന വൈറസ്‌ പ്രധാനമന്ത്രിയുടെ ഇമെയ്‌ല്‌ സിസ്റ്റത്തെ കടപുഴക്കിയത്‌.

ജോലിയില്‍ നിന്ന്‌ വിരമിച്ച മുന്‍ എയര്‍ കോമഡോര്‍ ലോകേശ്‌ ബത്ര പ്രധാനമന്ത്രിക്ക്‌ അയച്ച ഇമെയ്‌ലും വൈറസ്‌ ആക്രമണത്തില്‍ നഷ്ടമായിരുന്നു. വിവരാവകാശ നിയമത്തിന്റെ ഹിന്ദി പരിഭാഷയിലെ തെറ്റുകളെ സംബന്ധിച്ചായിരുന്നു അദ്ദേഹത്തിന്റെ പരാതി. എന്നാല്‍ തന്റെ കത്തിന്‌ മറുപടി ലഭിക്കാതിരുന്നതിനെ തുടര്‍ന്ന്‌ അദ്ദേഹം വിവരാവകാശ നിയമപ്രകാരം സെന്‍ട്രല്‍ ഇന്‍ഫര്‍മേഷന്‍ കമ്മിഷനെ (സിഐസി) സമീപിച്ചു. സിഐസിയുടെ വാദം കേള്‍ക്കലില്‍ പ്രധാനമന്ത്രികാര്യാലയം തങ്ങളുടെ സാങ്കേതിക പിഴവ്‌ സമ്മതിച്ചുകൊണ്ട്‌ ഇങ്ങനെ അറിയിച്ചു: “അയച്ചതായി പറയപ്പെടുന്ന പല മെയ്‌ലുകളും ഔട്ട്ലുക്ക്‌ എക്സ്പ്രസില്‍ ലഭിച്ചില്ല. അതിനാല്‍ ഔട്ട്ലുക്ക്‌ എക്സ്പ്രസ്‌ (ഉപയോഗം) നിര്‍ത്തലാക്കി പകരം സ്ക്വിരല്‍മെയ്‌ല്‌ ഉപയോഗിക്കാന്‍ തുടങ്ങി.”

എച്ച്ടിഎംഎല്‍ 4.0 മാനകമനുസരിച്ച്‌ റെന്‍ഡര്‍ ചെയ്യുന്ന പിഎച്ച്പി പ്രോഗ്രാമാണ്‌ സ്ക്വിരല്‍മെയ്‌ല്‌. ഐഎംഎപി, എസ്‌എംടിപി എന്നീ മാനകങ്ങളേയും അത്‌ പിന്തുണയ്ക്കുന്നു. 1999 മുതല്‍ ഘട്ടംഘട്ടമായി വികസിച്ചുവന്ന സ്ക്വിരല്‍മെയ്‌ല്‌ പ്രോജക്ട്‌ ഗ്നൂ ജനറല്‍ പബ്ലിക്‌ ലൈസന്‍സ്‌ പ്രകാരമുള്ള സ്വതന്ത്ര സോഫ്റ്റ്‌വെയറാണ്‌.

ഔട്ട്‌ലുക്കില്‍ നിന്ന്‌ ഓപ്പണ്‍സോഴ്സിലേക്കുള്ള മാറ്റം മൈക്രോസോഫ്റ്റിന്‌ കണ്ണുകടിയാവുമെങ്കിലും ഇവിടെ മറ്റൊരു ചോദ്യം അവശേഷിക്കുന്നു. പ്രധാനമന്ത്രി ശരിക്കും ഇമെയ്‌ല്‌ ഉപയോഗിക്കുന്നുണ്ടാവുമോ അതോ ഈ അക്കൗണ്ട്‌ വെറുതെ ഒരു കാട്ടിക്കൂട്ടാണോ എന്നതാണത്‌. അല്ലെങ്കില്‍ പിന്നെ ഇതുപോലെ ഒരു പ്രധാനപ്പെട്ട പ്രശ്നം ശ്രദ്ധയില്‍ പെടാന്‍ മൂന്നുമാസമെടുത്തതിന്‌ ന്യായീകരണമില്ലാതെയാവും.

വൈറസ്‌ ബാധ എത്രമാത്രം മാരകമായിരുന്നു എന്ന്‌ കണക്കുകൂട്ടിയിട്ടില്ല. സ്ക്വിരല്‍ മെയ്‌ലിന്റെ വെബ്സൈറ്റിലേക്ക്‌ പ്രവേശിച്ചാല്‍ അവര്‍ ‘Webmail for Nuts’ (വട്ടന്മാര്‍ക്കുള്ള വെബ്മെയ്‌ല്‌) എന്ന്‌ സ്വയം വിശേഷിപ്പിക്കുന്നത്‌ കാണാം. ഇന്ത്യയിലെ രാഷ്ട്രീയ വ്യവസ്ഥയെ ലാക്കാക്കി എഴുതിയതല്ല, ഈ വരികള്‍ എന്ന്‌ എടുത്തുപറയട്ടെ!

ആര്‍ക്കും സൗജന്യമായി ഉപയോഗിക്കാവുന്ന ഓപ്പണ്‍ സോഴ്സ്‌ സോഫ്റ്റ്‌വെയറാണ്‌ ഇതെങ്കിലും പ്രധാനമന്ത്രിക്ക്‌ സ്വതന്ത്ര സോഫ്റ്റ്‌വെയര്‍ പ്രസ്ഥാനത്തോട്‌ ഒരു മമതയുണ്ടെന്ന്‌ ഇതിലൂടെ കരുതാനാവുമോ? കാത്തിരുന്നു കാണാം.